Yá hai ganadores del concursu #andanciulliterariu entamáu por Iniciativa pol Asturianu

El concursu entamáu por Iniciativa pol Asturianu baxo’l títulu
#andanciulliterariu tien yá fallu del xuráu. El primer premiu ye pa Gonzalo
Llamedo por «Y agora col presente dormíu», el segundu premiu pa Xuan Miyar
por » La ñube metía…» y el terceru p’Ataúlfo Gamonal por «Dende’l primer día».
Iniciativa pol Asturianu valora la participación nel concursu y agradez abondo la
difusión y collaboración de los y les internautes na campaña nestos momentos
d’andanciu de coronavirus. La organización agradez el trabayu de los y les
participantes pa siguir creando lliteratura n’asturianu nestos momentos de tar
en casa, xenerando un ambiente positivu y de distracción.
El xuráu tuvo compuestu pol profesor Fonsu Martín Sánchez y la escritora María
Luz Pontón Álvarez, actuando como secretariu ensin votu’l presidente
d’Iniciativa pol Asturianu, Iván Llera.
La entrega de premios va facese en cuantes seye posibles tres la crisis sanitaria.

Esta web utiliza cookies propias y de terceros para su correcto funcionamiento y para fines analíticos y para fines de afiliación y para mostrarte publicidad relacionada con sus preferencias en base a un perfil elaborado a partir de tus hábitos de navegación. Al hacer clic en el botón Aceptar, acepta el uso de estas tecnologías y el procesamiento de tus datos para estos propósitos. Ver
Privacidad