O proxecto Eu quero ser coma da Concellaría de Igualdade de Ribadeo rematará estes días coincidindo coa celebración do 25N. Xurdiu o curso pasado coa finalidade de visibilizar ás mulleres e os seus logros ao longo da historia e tivo que parar coa chegada da pandemia do covid. As 38 persoeiras elixidas darán nome ás aulas de primaria e infantil do colexio público Gregorio Sanz e do colexio Sagrado Corazón. Foron editadas unhas placas co nome e coa ilustración de cada unha destas mulleres que lles van ser entregadas estes días aos centros de ensino, segundo deu a coñecer a edil de Igualdade, Mariluz Álvarez Lastra.
Comparte esta noticia